Bank of Georgia TV Commercial – Lion.flv

“ბითიეი ბანკ საქართველოს“ განცხადებით, 2009 წლის 21 დეკემბერს Fitch–ს თავად აცნობეს, რომ მათი მომსახურებით სარგებლობას აღარ აპირებენ. მათი განმარტებით, გლობალური ეკონომიკური კრიზისის ფონზე, ბანკი ვეღარ ხედავდა გარებაზრებზე რესურსის მოზიდვის შესაძლებლობებს. შესაბამისად, აღარ არსებობდა შეფასებისა და რეიტინგის საჭიროება.

ეს განცხადება მოჰყვა ინფორმაციას იმის შესახებ, რომ სარეიტინგო სააგენტო Fitch Ratings “ბითიეი ბანკ საქართველოს” მომსახურებაზე უარს აცხადებს. სააგენტოს განცხადებაში ნათქვამია, რომ „ბითიეი ბანკი საქართველო“ისევ მნიშვნელოვნად არის დამოკიდებული ყაზახეთიდან მოწოდებულ დაფინსანსებაზე, ხოლო ბანკის აქტივების ხარისხი სუსტია.  ექსპერტთა ნაწილის შეფასებითაც, Fitch–ის გადაწყვეტილება ბანკის ძირითადი აქციონერი “ბითიეი ყაზახეთიდან” გამომდინარეობს. მათი თქმით, ყაზახეთის მთავრობამ ბანკის ნაციონალიზაცია მოახდინა. უხეშად ჩაერია მის საქმიანობაშიც, რაც Fitch–სთვის მიუღებელია. ექსპერტების თქმითვე, „ბითიეი ბანკი საქართველო“ ბაზარზე დაბალანსებულად მოღვაწეობს. თუმცა, Fitch– ის ამ ნაბიჯის გამო საკრედიტო ხაზის მოზიდვაში პრობლემები შეექმნება.  სირთულეები გაჩნდება ყველა საერთაშორისო პარტნიორთან ურთიერთობაშიც. ექსპერტები ბანკს საქმიანობის ახალი გეგმის შემუშავებას ურჩევენ. ინფორმაციისთვის: „ბითიეი ბანკი საქართველომ“ ერთ-ერთმა პირველმა აღიარა, რომ  2009 წელი ზარალით დაასრულა. წაგებამ კი 3 მილიონი შეადგინა.

ამ ნეგატიური შეფასებების გარდა, EBRD-ის პროგნოზით, შესაძლებელია პირდაპირი უცხოური ინვესტიციებისა და ფულადი გზავნილების უფრო მკვეთრი დაცემაც. ამან კი შესაძლოა ზეწოლა ეროვნულ ვალუტასა და ბანკების ბალანსზე მოახდინოს.